போவோமா ஊர்கோலம்

Poovoma Oorgolam Lyrics in Tamil

பெண்: போவோமா ஊர்கோலம்
பூலோகம் எங்கெங்கும்
ஓடும் பொன்னி ஆறும்
பாடும் கானம் நூறும்

பெண்: காலம் யாவும் பேரின்பம்
காணும் நேரம் ஆனந்தம்
போவோமா ஊர்கோலம்
பூலோகம் எங்கெங்கும்

ஆண்: அரண்மனை அன்னக்கிளி
தரையில நடப்பது
நடக்குமா அடுக்குமா

பெண்: பனியிலும் வெட்டவெளி
வெயிலிலும் உள்ள சுகம்
அரண்மனை கொடுக்குமா

ஆண்: குளுகுளு அறையில
கொஞ்சிக் கொஞ்சி தவழ்ந்தது
குடிசைய விரும்புமா

பெண்: சிலுசிலு சிலுவென
இங்கிருக்கும் காத்து அங்க
அடிக்குமா கிடைக்குமா

ஆண்: பளிங்கு போல உன் வீடு
வழியில பள்ளம் மேடு
பெண்: வரப்பு மேடு வயலோடும்
பறந்து போவேன் பாரு

ஆண்: அதிசயமான பெண்தானே
பெண்: புதுசுகம் தேடி வந்தேனே

ஆண்: போவோமா ஊர்கோலம்
பூலோகம் எங்கெங்கும்
ஓடும் பொன்னி ஆறும்
பாடும் கானம் நூறும்

ஆண்: காலம் யாவும் பேரின்பம்
காணும் நேரம் ஆனந்தம்

ஆண்: போவோமா ஊர்கோலம்
பூலோகம் எங்கெங்கும்

பெண்: கொட்டுகிற அருவியும்
மெட்டுக்கட்டும் குருவியும்
அடடடா அதிசயம்

ஆண்: கற்பனையில் மிதக்குது
கண்டதையும் ரசிக்குது
இதிலென்ன ஒரு சுகம்

பெண்: ரத்தினங்கள் தெறிக்குது
முத்துமணி ஜொலிக்குது
நடந்திடும் நதியிலே

ஆண்: உச்சந்தல சொழலுது
உள்ளுக்குள்ள மயங்குது
எனக்கொன்னும் புரியல

பெண்: கவிதை பாடும் காவேரி
ஜதிய சேர்த்து ஆடும்
ஆண்: அணைகள் நூறு போட்டாலும்
அடங்கிடாமல் ஓடும்

பெண்: போதும் போதும் உம் பாட்டு
ஆண்: பொறப்படப் போறேன் நிப்பாட்டு

பெண்: போவோமா ஊர்கோலம்
பூலோகம் எங்கெங்கும்

ஆண்: ஓடும் பொன்னி ஆறும்
பாடும் கானம் நூறும்

பெண்: காலம் யாவும் பேரின்பம்
காணும் நேரம் ஆனந்தம்
ஆண்: போவோமா ஊர்கோலம்
பெண்: பூலோகம் எங்கெங்கும்